Arta Alidema Ajeti emërohet drejtoreshë e Arsimit në Viti

13/02/2023 Institucionet

Kryetari i komunës së Vitisë, Sokol Haliti dhe Këshilli i Drejtorëve, kanë mbajtur mbledhje të rregullt. Me këtë rast u prezantua edhe drejtoresha e re e caktuar për drejtorinë e Arsimit në komunën e Vitisë, Arta Alidema Ajeti. Kryetari Haliti dhe Këshilli i drejtorëve i uruan mirëseardhje znj. Alidema Ajeti. Përndryshe u bë me dije se znj. Alidema Ajeti është lindur në Pozheran të Vitisë e cila ka përfunduar studimet bachelor në programin “Banka, Financa dhe Kontabilitet” kurse studimet post diplomike- master në programin “Marketing dhe Menaxhim Biznesi”. Ajo ka punuar në  disa pozita të ndryshme si ushtruese e detyrës së drejtorit të çerdhes së fëmijëve  “Gëzimi Ynë” në Viti, pastaj si zyrtare në pasurisë në drejtorinë për Ekonomi, Financa dhe Zhvillim në Viti. Gjithashtu ajo ka marrë pjesë në shumë forume dhe akademi të ndryshme profesionale si për qeverisje lokale dhe të tjera. Ndërkaq në këtë mbledhje u diskutua edhe për punët në drejtoritë e ndryshme, si dhe për organizimin e manifestimit për nder të 17 Shkurtit-Ditës së Pavarësisë së Republikës së Kosovës.  Përndryshe me këtë emërim pozitën e drejtorisë së Arsimit përsëri e zë një udhëheqëse femër.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara