Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Ekonomisë, Artane Rizvanolli, kryeshefi i KEK-ut, Nagip Krasniqi dhe Kryeshefin e KOSTT-it, Kadri Kadriun, kanë mbajtur një konferencë për media për krizën me energjinë. Ministrja Rizvanolli tha se Kosova është në një situatë të keqe me energji elektrike për shkak të rritjes së çmimit. “Në kushtet normale, çmimi ka qenë 69 euro për megavat. Çmimi në kulmin e kërkesës për energji ka qenë 351 euro. Situata është përkeqësuar edhe më tej. Më datë 21 kanë arritur 420 euro për megavat orë për kërkesën bazë. Ndërsa në kohën e pikut, kanë arritur deri në 515 euro. Ka një shtatë-fishim në krahasim me çmimin normal të energjisë elektrike. Pra vetëm për gjashtë ditë, ka pasur rritje prej 37% për kërkesën bazë”, ka thënë ajo. Rizvanolli tha se është edhe një faktor që ndikon negativisht e që sipas saj është Serbia ajo e cila ka bllokuar linjën energjetike.
