Artistët e Kaçanikut kërkojnë themelimin e Teatrit të Qytetit

15/02/2018 Institucionet

Artistët nga Komuna e Kaçanikut, zhvilluan takim pune me Kryesuesin e Kuvendit të Komunës së Kaçanikut Kemajl Murseli si dhe me Drejtorin e Arsimit dhe Kulturës Zahir Doda, ku temë diskutimi ishte themelimi i Teatrit të Qytetit. Me këtë rast Kryesuesi Murseli dhe Drejtori Doda premtuan përkrahje lidhur me kërkesën e artistëve, duke shtuar se do të vazhdohet me procedurat e nevojshme për themelimin e Teatrit të qytetit. Drejtori Doda tha se është në përgatitje të dokumentacionit të nevojshëm, për të ndjekur më pas procedurat e parapara për ta përcjellur në kuvend.

Ben Apolloni, Bekim Guri, Armend Ballazhi, Osman Isa, Lulzim Rexha, Lind Berisha, Dituri Neziraj dhe Qëndresa Loki, janë disa nga grupi i artistëve dhe studentëve të artit dramatik nga Kaçaniku dhe rrethina, që kanë iniciuar kërkesën në Kuvendin Komunal të Kaçanikut për themelimin e Teatrit të Qytetit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara