????????????????????????????????????
Asfaltohen rrugët në fshatin Burim të Malishevës
16/10/2017
Institucionet
Ka filluar të dielën dhe po vazhdon akoma, asfaltimi i rrugëve në fshatin Burim të Komunës së Malishevës, përkatësisht, rrugët brenda fshatit dhe rruga që e lidhë një pjesë të fshatit më rrugën Burim-Gurbardh dhe me shiritin e rrugës që e lidhë fshatin me qendrën komunale dhe rrugët tjera magjistrale. Asfaltimin e këtyre rrugëve, e kanë parë nga afër Kryetari i Komunës së Malishevës, Ragip Begaj dhe drejtori i urbanizmit, Ahmet Morina. Me këtë rast, kryetari Begaj, i ka uruar banorët e lagjeve të Burimit, për rregullimin e rrugëve të tyre, ndërsa është shprehur i kënaqur me punimet që janë kryer në këtë rrugë, duke filluar nga zgjerimi, krijimi i bazës dhe në fund asfaltimi i këtyre rrugëve. “Ne e kemi obligim që të krijojmë kushte sa më të mira, për të gjithë banorët e Komunës së Malishevës, në këtë rast me rregullimin e infrastrukturës rrugore, pasi kjo ka qenë më se e nevojshme për juve. Ju ti gëzoni këto rrugë dhe të gjitha projektet tjera që lidhen me mirëqenien tuaj”, ju ka thënë banorëve të lagjeve të Burimit dhe Gurbardhit, kryetari i Malishevës, Ragip Begaj, duke premtuar angazhimin e tij edhe në çështjet tjera, që lidhen me mirëqenien e qytetarëve. Nga ana tjetër, drejtori i urbanizimit, Ahmet Morina, ka sqaruar se bëhet fjalë për mbi një kilometër rrugë në lagjet e fshatit dhe rrugës që lidhë Burimin me Gurbardhin, dhe të gjitha këto rrugë janë të parapara në investimet kapitale për këtë vit, të cilat financohen nga buxheti komunal i Malishevës. Morina, ka bërë të ditur se rregullimi i këtyre rrugëve ka filluar në muajin maj të këtij viti dhe tani janë drejt përfundimit.
Kontrolloni gjithashtu
Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
