Asfaltohen rrugët në Pagarushë

24/03/2017 Institucionet

Ka filluar asfaltimi i rrugëve në fshatin Pagarushë të komunës së Malishevës, përkatësisht në lagjet Dukoj dhe  Rexhaj. Asfaltimin e këtyre rrugëve, krahas banorëve të fshatit, e ka parë nga afër edhe drejtori i Drejtorisë për Urbanizëm, Ahmet Morina, i cili ka uruar banorët e këtyre lagjeve, ndërsa është ndarë i kënaqur me punimet në këto rrugë. “Para një muaji kemi filluar hapjen dhe rregullimin e rreth 700 metrave rrugë në këtë fshat, ku janë hapur rrugët, është rregulluar baza dhe po asfaltohen”, tha Morina. “Edhe atëherë kam thënë se kjo nuk është thjesht një asfaltim i rrugës, por është krijimi i kushteve sa më të mira për të gjithë banorët, dhe rrjedhimisht edhe për lëvizjen e qytetarëve”, tha drejtori Morina. Nga ana tjetër, banorët e fshatit, e kanë falënderuar komunën e Malishevës për hapjen dhe rregullimin e këtyre rrugëve, pasi shumë shtëpi të këtyre lagjeve, kanë pasur problem serioz lëvizjen e tyre, sepse rrugët kanë qenë në gjendje tepër të vështirë, e sidomos kanë pasur problem gjatë stinëve kur ka të reshura të borës dhe shiut. Fshati Pagarushë, është një prej fshatrave të largëta të Komunës së Malishevës, dhe është një fshat ku lagjet janë shumë larg njëra tjetrës, ndërsa disa pjesë të këtyre lagjeve, kanë pasur problem qarkullimin, apo lidhjen e rrugëve të tyre, me rrugët kryesore, që shpijnë drejt qendrës komunale, apo qendrave tjera.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara