Asfaltohet edhe një rrugë në Gurishtë të Malishevës

29/07/2019 Institucionet

 

Në kuadër të rregullimit të infrastrukturës rrugore në Komunën e Malishevës, edhe në fshatin Gurishtë ka filluar asfaltimi i një rruge, rreth 500 metra të gjatë, e cila lidhë një lagje me rrugët kryesore të fshatit. Fillimin e asfaltimit të rrugës, e ka parë nga afër edhe nënkryetari i Komunës së Malishevës, Hajdin Berisha, i cili është takuar edhe me banorët e kësaj pjese të fshatit, dhe me kryetarin e fshatit, Afrim Mazreku. “E gëzofshi rrugën e re, rrugë e cila për juve banorë të kësaj lagje ka rëndësi të madhe, pasi për shkak të thyerjes së terrenit, deri më tani e keni pasur problem qarkullimin për të shkuar me vetura në lagjen. Ky nuk është projekti i vetëm, pasi në vazhdimësi dhe në të gjitha fshatrat do të vazhdojmë me investime konkrete, për përmirësuar mirëqenien dhe jetesën e të gjitha banorëve të Komunës së Malishevës”, ka thënë nënkryetari i Komunës së Malishevës, Hajdin Berisha, gjatë vizitës së sotme në Gurishtë. Nga ana tjetër, kryetari i fshatit Gurishtë, Afrim Mazreku, në emër të banorëve të kësaj lagje dhe të tërë fshatit, e ka falënderuar komunën për realizimin e këtij projekti, me shumë rëndësi për të gjithë banorët që jetojnë në këtë pjesë të fshatit, e të cilët deri më tani e kanë pasur problem qarkullimin me automjete dhe në shumë raste, i kanë lënë automjetet shumë larg shtëpive, për shkak të terrenit të thyer në këtë pjesë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara