leoni

Asfaltohet edhe një rrugë në Stapanica (Kijevë)

23/08/2022 Institucionet

Sot ka filluar asfaltimi i një rruge në lagjen Stapanica në Kijevë të komunës së Malishevës. Asfaltimin e kësaj rruge e ka parë nga afër edhe i pari i Malishevës, Ekrem Kastrati, i cili ishte i shoqëruar edhe nga drejtori i Drejtorisë së Urbanizmit, Avdi Morina dhe drejtori i Drejtorisë për Bujqësi, Pylltari dhe Zhvillim Rural, Sylë Dukolli. Gjatë kësaj vizite, kryetari Kastrati është takuar edhe me banorët, të cilët i ka uruar për rrugën e re. “Ndërtimi i rrugëve të reja është pjesë e jo thjeshtë realizimit të projekteve sipas listës së investimeve kapitale, por realizim i një kërkese apo nevoje të banorëve dhe ndërtimi i infrastrukturës në përgjithësi, vazhdon të mbetet prioritet, sepse është e nevojë e kohës, për lehtësimin e lëvizjes më të lehtë për qytetarët e komunës sonë dhe krijim i kushteve më të mira në vendbanimet e tyre”, ka thënë kryetari Kastrati, si dhe i ka uruar banorët e shumtë të cilët i ka takuar sot në këtë lagje, për ndërtimin e kësaj rruge. Drejtori i Drejtorisë së Urbanizmit, Avdi Morina, ka bërë të ditur, se po asfaltohen 500 metra rrugë në këtë lagje, dhe ndërtimi i kësaj rruge financohet nga buxheti i Komunës së Malishevës, ndërsa punimet janë zhvilluar sipas dinamikës së paraparë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara