Asfaltohet rruga alternative Viti- Pozheran

18/12/2023 Institucionet

Vitia dhe Pozherani po lidhen mes veti edhe me një rrugë tjetër alternative. Kjo pasi që sot kanë filluar punimet në asfaltimin e rrugës nga qyteti i Vitisë, konkretisht prej Xhamisë së qytetit në drejtim të Pozheranit. E për të parë nga afër punimet e nisura i pranishëm ishte edhe kryetari i komunës së Vitisë, Sokol Haliti, i cili ndër tjerash bëri me dije se rregullimi i kësaj rruge ka një rëndësi të veçantë, pasi që me këtë jo vetëm që Vitia dhe Pozherani si dy lokalitetet më të mëdha të Vitisë do të kenë lidhje alternative mes veti, por me këtë pritet të bëhet edhe shkarkimi i komunikacionit. Gjithashtu, kjo rrugë është mirëpritur edhe nga banorët të cilët jetojnë përgjatë kësaj rruge. Një pjesë e tyre sot takuan kryetarin gjatë realizimit të punimeve në terren dhe e falënderuan për këtë projekt infrastrukturor. Përndryshe, në qytetin e Vitisë ditëve të fundit janë realizuar edhe disa punime të tjera, si asfaltimi i rrugës nga qyteti i Vitisë në drejtim të Drobeshit, nga qyteti në drejtim të Kllokotit dhe disa pjesë të tjera.

Kontrolloni gjithashtu

Kryetari Latifi mori pjesë në shënimin e 25-vjetorit të punës së USAID-it në Kosovë

Me ftesë të Agjencisë së Shteteve të Bashkuara për Zhvillim Ndërkombëtar (USAID) në Kosovë, Kryetari …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara