Asfaltohet rruga që lidha fshatrat Janqist dhe Shkozë

25/07/2019 Institucionet

Ka filluar asfaltimi i rrugës që lidhë fshatrat Janqist dhe Shkozë, si dhe janë shtruar edhe disa rrugica brenda fshatit Janqist. Punimet në asfaltimin e këtyre rrugëve, sot i kanë parë nga afër nënkryetari i Komunës së Malishevës, Hajdin Berisha dhe drejtori i urbanizmit, Islam Vrenezi, të cilët janë ndarë të kënaqur me përfundimin e këtij projekti. “Kjo rrugë e cila lidhë dy fshatrat, ka qenë kërkesë e vazhdueshme e banorëve të dy fshatrave, e sidomos e banorëve të Janqistit, pasi shkurtohet rruga për disa kilometra, për të shkuar nga fshati në fshat, e sidomos për nxënësit e Janqistit që shkojnë në shkollën e fshatit Shkozë, dhe pa dyshim se jemi të kënaqur që kemi arritur ta realizojmë këtë projekt”, tha nënkryetari Berisha, i cili i ka uruar banorët e të dy fshatrave. Përndryshe në fshatin Janqist, janë shkruar rreth 800 metra rrugë, njëra e gjatë 500 metra, që lidhë dy fshatrat dhe pjesa tjetër janë shtruar rrugica brenda fshatit, dhe të gjitha këto, sipas drejtorit Vrenezi, janë realizuar nga buxheti i Komunës së Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara