Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Asociacionit të Komunave të Kosovës, Sazan Ibrahimi, ka apeluar urgjentisht për ndërhyrje nga Qeveria në lidhje me bllokimin e sistemit të pagesave për komunat e Vitisë dhe Deçanit. Ibrahimi theksoi se Ministria e Financave, Punës dhe Transfereve, ka mbyllur qasjen në sistem të pagesave për zyrtarët financiarë të këtyre komunave që nga mesi i korrikut 2024. Kjo situatë ka ndodhur për shkak të obligimeve që burojnë nga kontratat kolektive për arsim dhe shëndetësi, të cilat për këto komuna përbëjnë një barrë të rëndë financiare, e cila vlerësohet të jetë miliona euro. Ibrahimi bëri thirrje që Ministria përkatëse të lejojë sa më parë komunat të kenë qasje në sistemin e pagesave të zyrtarëve financiarë, pasi kjo bllokadë ka ndikuar negativisht në punën dhe projektet që janë duke u zhvilluar, si dhe në pagesat që duhet të bëhen në afat të caktuar. Kjo situatë po paraqet një sfidë serioze për komunat e Vitisë dhe Deçanit dhe mund të prekë edhe komuna të tjera në të ardhmen.
