Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Asociacioni i komunave me shumicë serbe në Kosovë është arritur 10 vjet më parë me ndërmjetësimin Bashkimit Evropian, por themelimin e tij tani e kërkon Rusia, si kryesuese e OKB-së, Asociacioni, mund të bëhet temë e diskutimit në Nju Jork, pikërisht në Këshillin e Sigurimit të Organizatës së Kombeve të Bashkuara. Këtë mundësi e ka paralajmëruar ambasadori i Rusisë në Beograd, Alexander Harçenko. Ai ka thënë se vendi “angazhohet për një diskutim produktiv për thelbin e problemeve, që janë vërtet akute për serbët, duke përfshirë edhe formimin e Asociacionit” të komunave me shumicë serbe në Kosovë. Rusia, anëtare e përhershme e Këshillit të Sigurimit me të drejtë vetoje, ka marrë kryesimin njëmujor të këtij organi në muajin prill. Kryesimi i saj përkon me seancën e rregullt për Kosovën, e caktuar për datën 27 prill. Bashkimi Evropian ka thënë më herët se do të “kundërshtojë çdo keqpërdorim” nga Rusia, gjatë udhëheqjes së Këshillit të Sigurimit.
