Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Punëve të Jashtme e Australisë, Penny Wong tha se statusi përfundimtar i kryeqytetit të Izraelit nuk duhet të përcaktohet derisa të finalizohen negociatat e paqes me popullin palestinez. Sot qeveria ka riafirmuar qëndrimin e mëparshëm dhe afatgjatë të Australisë se Jerusalemi është një çështje e statusit përfundimtar që duhet të zgjidhet si pjesë e çdo negociate paqeje midis Izraelit dhe popullit palestinez, citohet të ketë thënë zonja Wong. Ajo sqaroi se ish-kryeministri Scott Morrison ishte përpjekur të luante politikë me politikën e jashtme “për të fituar vota në vend”. Më herët qeveria mohoi se kishte bërë ndonjë ndryshim zyrtar të politikës pasi “Guardian Australia” zbuloi të hënën se një departament fshiu një deklaratë publike që njihte Jerusalemin Perëndimor si kryeqytet. Ky mohim dukej se ishte bërë për shkak se ministrat nuk e kishin nënshkruar vendimin. Ashtu si shumica dërrmuese e vendeve të botës Australia ka mbajtur ambasadën në Tel Aviv. Kosova me presionin e administratës Trump ka pranuar njohjen nga Izraeli, me kusht që Prishtina zyrtare të pranojë edhe vendosjen e ambasadës në Jerusalem. Përveç Amerikës e Guatemales, Kosova është shteti i tretë në botë që ka pranuar Jerusalemin si kryeqytet të Izraelit.
