Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet në Serbi janë pezmatuar për shkak se kryetari i komunës së Srebrenicës, Qamil Durakoviq ka marrë vendim që krerët e luftës dhe të shteti serb nuk mund të marrin pjesë në përkujtimin e sotëm për të masakruarit, i cili mbahet në Potoçare, përderisa mohojnë të kenë kryer gjenocid mbi popullatën boshnjake, më 11 korrik 1995, në Srebrenicë. Ata janë të padëshirueshëm të marrin pjesë në komemoracionin që mbahet sot, ka saktësuar Durakoviq. Një vit më parë kryeministri i Serbisë, Aleksandër Vuçiq ishte sulmuar nga një grup boshnjakësh dhe mezi kishte arritur të shpëtonte gjallë. Familjarët e të masakruarve janë të mendimit se prania në komemoracion e zyrtarëve që mohojnë krimin gjenocidal kundër myslimanëve në Srebrenicë është skandaloz dhe fyen familjet e të masakruarve, ka sqaruar Durakoviq për mediet. Shoqata “Nënat e Srerebnicës” kanë të drejtë të mos u lejojnë pjesëmarrjen zyrtarëve të Beogradit dhe bashkëpunëtorëve të kriminelit Milosheviq, Ivica Daçiq, Aleksandër Vuçiq e shumë të tjerë të cilët kanë kryer gjenocid dhe krime por nuk pranojnë realitetin dhe nuk kanë hequr dorë nga politika vrastare. (Al-Xhazira –RKL)
