Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në përvjetorin e 26-të të nisjes së bombardimeve të NATO-s ndaj caqeve të ushtrisë serbe, ish-kryeministri i Kosovës, Avdullah Hoti, ka kujtuar ndërhyrjen humanitare të aleatëve të Kosovës si të domosdoshme për t’i dhënë fund një regjimi që shkaktoi vuajtje të pafundme për popullin kosovar. Hoti ka theksuar se, pas viteve të dhimbshme të dhunës dhe gjenocidit të regjimit të Serbisë, ndërhyrja e NATO-s ishte e patjetërsueshme për të mposhtur një sistem shtetëror që zbatoi pastrim etnik dhe shkatërrim të identitetit të shqiptarëve të Kosovës. Sot, pas 26 vitesh, ai kujtoi ata që humbën jetën dhe të gjithë ata që kontribuan në lirinë e Kosovës, duke shprehur mirënjohje për aleatët dhe përpjekjet e ndërkombëtarëve për çlirimin e Kosovës. “Zoti i bekoftë aleatët tanë,” shkroi Hoti në postimin e tij.
