Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i LDK-së, Avdullah Hoti, ka shkruar se deputetët e Lëvizjes Vetëvendosje marrin urdhra prej zyrtarëve të lartë për mos themelimin e komisionit hetimor për rezervat shtetërore. Për të pestën herë, ka dështuar konstituimi i Komisionit Hetimor Parlamentar lidhur me dyshimet për procedurat për sigurimin e rezervave shtetërore. Urdhrat që i detyrojnë deputetët e mazhorancës të mos paraqiten në komision vijnë nga nga kryeministri, i cili gjysmën e vizitave jashtë i ka në seminare e shkolla politike të së majtës në Greqi e vende tjera. Fatkeqësisht, këta deputetë janë bërë pjesë e maskaradës politike të Kurtit, i cili po angazhohet me ngulm që t’i pamundësojë opozitës të ushtrojë rolin e saj mbikëqyrës të punës së Qeverisë.
Hoti ka kritikuar Qeverinë për injorimin e opozitës si në rastin e mos dhënien e përgjigjeve për deputetët opozitarë, duke shtuar se kjo do ta pengojë anëtarësimin e Kosovës në Këshillin e Evropës.
