Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vizita e Viola von Cramon në Zyrat e Prokurorit të Specializuar, ka ngjallur reagime të shumta nga përfaqësues të subjekteve politike. Këshilltari i Kryetarit të PDK-së, Kadri Veseli, Avni Bytyçi, vizitën e Von Cramon në Speciale e ka cilësuar ndërhyrje politike, Këtë madje ai thotë se ua kanë mësuar miqtë ndërkombëtarë. ”Miqtë tanë ndërkombëtarë na kanë ndihmuar të kuptojmë se politikanët nuk duhet të “vizitojnë” gjykatat, veçanërisht kur çështjet e rëndësishme trajtohen nga gjyqësori. Ata madje kanë fjalë të veçanta për politikanët që “vizitojnë” gjykatat. Quhet “ndërhyrje politike” dhe unë jam plotësisht dakord!”, është shprehur ai. Kujtojmë se ndaj ish-kreut të PDK-së, Kadri Veseli, Prokuroria e Specializuar dorëzoi së fundi aktakuzë bashkë dhe ndaj ish-Drejtorit Politik të UÇK-së, Presidentit Hashim Thaçit. Propozim-aktakuza u bë publike pa një konfirmim paraprak nga gjyqtari i procedurës paraprake, praktikë që nuk ndodh në drejtësinë ndërkombëtare.
