Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Speciale në Hagë ka vazhduar gjykimi kundër, Pjetër Shalës. Avokati i tij e ka quajtur vetën dhe të akuzuarin, Pjetër Shala, të dëmtuar nga takimi i Zyrës së Prokurorit me dëshmitarin ekspert, një ditë para dhënies së dëshmisë së tij në sallën e gjyqit. Sipas tij, mbrojtja gjendet para një fakti të kryer, pasi sot fillon paraqitja e dëshmitarit, por mbrojtjes nuk i është dhënë kohë siç duhet për të i shqyrtuar elementet e reja të paraqitura nga eksperti dhe as nuk ka pasur kohë të marrë udhëzime nga Pjetër Shala. Ka informacione të reja. Përputhshmëria se viktima ka qenë i ulur, kur është qëlluar me armë, në faqen 16 lidhur me një copë hekuri, ky është informacion i ri, pra copëza fisheku është e pamundur të dihet nëse ka mund të ec disa ditë pas lëndimit të shputës së këmbës e që mund të ketë qenë lëndim sipërfaqësor”, ka thënë mbrojtja e Shalës. Prokurorja, Gaia Pergolo, ka thënë se nuk ka kufizime që të takohet me ekspertë. Me këtë rast ka ndërhyrë Pjetër Shala, i cili ka thënë se nuk është duke e kuptuar se cilat janë ndryshimet e reja, duke shtuar se ka të drejtë e tij t’i kuptojë ato pasi është në pyetje jeta e tij. Lidhur me këtë, trupi gjykues, i udhëhequr nga gjykatësja Mappie Veldt-Foglia është konsultuar dhe ka vendosur që seanca e sotme do të vazhdojë me marrjen në pyetje të dëshmitarit nga prokuroria dhe me marrjen në pyetje nga mbrojtësi i viktimave nëse ka pyetje nga ai, kurse mbrojtja të vazhdojë me kundra-pyetje në seancën e së nesërmes, pasdite.
