Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në pritjen e përvitshme me Trupin Diplomatik të akredituar në Shqipëri, kryetari i Shqipërisë, Bajram Begaj, theksoi përkushtimin e vendit të tij për mbështetje të pakushtëzuar ndaj Kosovës dhe për avancimin e integrimit në Bashkimin Evropian. Ai apeloi për thellimin e bashkëpunimit rajonal dhe përforcoi rëndësinë e një aleance të fortë Euroatlantike, duke siguruar mbrojtjen e përkatësisë evropiane dhe avancimin e kursit Euroatlantik për Shqipërinë dhe faktorin shqiptar. Begaj vuri në dukje se Shqipëria ka luajtur një rol aktiv dhe të qëndrueshëm në organizatat ndërkombëtare, përfshirë NATO- BE, dhe ShBA, duke theksuar rëndësinë e forcimit të Aleancës Euroatlantike. Ai gjithashtu e konsideroi hapjen e negociatave të pranimit në BE si një dëshmi të vlerësimit për reformat e ndërmarra nga Shqipëria dhe si një tregues i vendosmërisë për të avancuar në këtë proces transformues.
