Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Banka Botërore njofton se shumica e ekonomive të gjashtë shteteve të Ballkanit Perëndimor kanë përjetuar një rritje të moderuar ekonomike gjatë këtij viti, e cila po nxit punësimin në rajon. Megjithatë, raporti i ri, titulluar “Ruajtja e Ritmit të Rritjes”, thekson se Kosova ka numrin më të ulët të të punësuarve, me vetëm 37 për qind të popullsisë në moshë pune të punësuar. Krahas kësaj, shkalla e punësimit në vendet e tjera të rajonit ka arritur në 48.5 për qind, një nivel historik sipas Bankës Botërore. Raporti tregon se, megjithëse hendeku në punësim po ngushtohet krahasuar me vendet anëtare të BE-së, rritja nuk është e njëtrajtshme në të gjitha shtetet. Përveç Kosovës, Shqipëria shënon shkallën më të lartë të punësimit në rajon, me 66.7%, duke tejkaluar mesataren e vendeve anëtare të BE-së (54.4%). Banka Botërore paralajmëron se një shtrëngim i tregut të punës ka çuar në shqetësime të rritura midis bizneseve për mungesat e fuqisë punëtore dhe mospërputhjet e aftësive.
