Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Banka ProCredit vazhdon me qasje të përgjegjshme ndaj mbrojtjes së mjedisit në Kosovë. Kësaj radhe banka ka pasuruar flotën e saj të transportit duke blerë 10 vetura të reja, Mitsubishi Miev, vetura këto që punojnë 100% me energji elektrike dhe nuk e ndotin ambientin.
Pa dyshim që këto vetura reflektojnë orientimin e Bankës ProCredit në ruajtjen e mjedisit. Përmes këtyre veturave, ne kemi vë në pah lidhjen mes emetimit të dioksid karbonit dhe ndotjes urbane.
“Marrja e masave në uljen e ndotjes mjedisore përballë ndryshimeve aktuale klimatike është çështje që kërkon trajtim urgjent. Prandaj, ruajtja e mjedisit është përgjegjësi e secilit prej nesh, pa marrë parasysh profilin e veprimtarisë sonë. Pasurimi i flotës tonë të transportit me këto vetura e konfirmon përkushtimin e bankës tonë në ruajtjen e mjedisit” tha Ilir I. Aliu drejtor gjeneral në Bankën ProCredit.
Këto vetura njihen si vetura shumë ekonomike duke shpenzuar përafërsisht 12.5 kWh në 100 km të përshkuara. Fuqia e tyre është 49kW (66 kuaj fuqi), janë të pajisura me bateri me kapacitet prej 16kWh, për mbushjen e së cilës nevojiten rreth 8 orë.
Megjithatë numri i kufizuar i stacioneve për mbushje elektrike është një pengesë momentale, andaj Banka ProCredit ka ndërtuar stacione të tilla në afërsi të degëve të veta në 6 qendrat kryesore.
Në mënyrë që të promovoj edhe më tej frymën e mbrojtjes së mjedisit në vend, Banka ProCredit këto stacione të mbushjes do ti ketë në dispozicion edhe për klientët e bankës që posedojnë vetura elektrike. Përdorimi i tyre është falas.
Sipas të dhënave të prodhuesit, dobia më e madhe mjedisore e këtyre veturave është tek ulja e lirimit të ndotësve të ajrit deri në 100%, ndotës këta që kontribuojnë dukshëm në krijimin e mjegullës në qytete të mëdha.
