Bashkëpunimi mes Komunës së Malishevës dhe Komunës së Soestit në Gjermani, sjell pajisje me inventar për disa shkolla në Malishevë

18/10/2018 Institucionet

Komuna e Malishevës ka një bashkëpunim tashmë disa vjeçar me Komunën e Soestit nga Gjermania, bashkëpunim që vazhdon edhe tash mes institucioneve, përkatësisht Kryetarit të Komunës së Malishevës Ragip Begajt dhe Kryetarit të Komunës së Soestit, Manfred Witer në Gjermani, këtë lidhje bashkëpunimi e forcojnë çdo ditë e më shumë mërgimtarët tanë si Nuhi Krasniqi dhe përfaqësues nga Shoqata e Unitetit Global Shqiptar (SHUGSH). Rezultati i një bashkëpunimi të tillë, disa shkolla të komunës së Malishevës inventarizohen me inventar shkollorë, si me banka, karrige, kompjuterë, harta shkollore, printerë, dhe pajisje tjera shkollore të cilat do të ndahen për  institucionet arsimore në Komunën e Malishevës, e kryesisht për Gjimnazin “Hamdi Berisha” dhe SHFMU” Ibrahim Mazreku” në Malishevë. Ky donacion me inventarë shkollor është realizuar nga përkrahja e Kryetarit të Komunës së Soestit Manfred Witter, nga kontributi i mërgimtarit Nuhi Krasniqi, dhe Shoqata Uniteti Global Shqiptar. Përmbajtja e inventarit është 232, karrige, 532 banka, 28 kompjuterë, 12 banka për mësues, 1 printerë, 24 tastiera, 35 monitor, dhe 10 harta shkollore. Po ashtu këto ditë Kryetari Begaj, në shoqërim me Drejtorin e Qendrës së Kompetencës, “Kujtim Krasniqi”, realizuan disa vizita nëpër institucione arsimore profesionale, administrative, në qytetin e Soestit, ku shkëmbyen përvoja pune, ata në fund të vizitës realizuan takime me bashkatdhetarët tanë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara