Bashkim Ferat Shala, dhuroi 51 karroca për personat me nevoja të veçanta

19/07/2016 Institucionet

Mërgimtari Bashkim Ferat Shala, nga fshati Guncat i Komunës së Malishevës, që jeton dhe punon në Zvicër, ka dhënë një donacion domethënës për personat me nevoja të veçanta, nga Komuna e Malishevës. Ai, ja ka dhuruar organizatës për personat me nevoja të veçanta “Handikos” në Malishevë, 51 karroca.

Këtë donacion, e ka konfirmuar koordinatorja e Qendrës së Rehabilitimit “Handikos” në Malishevës, Feride Hoxha, e cila e falënderon mërgimtarin Bashkim Shala, për këtë donacion shumë domethënës, për personat me nevoja të veçanta. “Këta persona, për të parë dritën e diellit, ju duhet të lëvizin, të dalin jashtë mureve të shtëpisë dhe shumë prej këtyre personave, sot po ju mundëson ky mërgimtar, i cili i ka blerë dhe po ju dhuron karrocat, atyre që kanë më së shumti nevojë”, tha koordinatorja Hoxha.

Këtë donacion të mërgimtarit Bashkim Ferat Shala, e ka përshëndetur dhe falënderuar edhe kryetari i Komunës së Malishevës, Ragip Begaj, pasi është një prej atyre donacioneve më humane të mundshme.

Kontrolloni gjithashtu

Shoqata e ish të Burgosurve Politik në Ferizaj, përkujtoj një nga periudhat më të rëndësishme të historisë sonë të re, Pranvera Shqiptare e vitit 1981

Nën organizimin e Shoqatës të ish të Burgosurve Politik në Ferizaj, me pjesëmarrjen edhe të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara