Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Evropian ka reaguar lidhur me tensionet në Veriun e Kosovës, duke i dënuar ashpër përleshjet e sotme mes Policisë së Kosovës dhe protestuesve, serbë vendorë. BE-ja tregon se kryetarët e sapozgjedhur të komunave veriore kishin bërë përpjekje për të hyrë në objektet e komunave. Ne dënojmë fuqishëm sulmet ndaj patrullave të misionit civil të BE-së në Kosovë. EULEX-it duhet t’i lejohet të zbatojë mandatin e tij në mënyrë paqësore, thuhet në reagim. Të gjithë duhet të ndërmarrin veprime për të shafitur situatën e tensionuar dhe për të rivendosur qetësinë menjëherë. BE-ja nuk do të pranojë asnjë veprim të mëtejshëm të njëanshëm ose provokues dhe ruajtja e paqes, dhe siguria në terren duhet të jetë prioritet. BE-ja, vazhdimisht ka deklaruar se zgjedhjet e fundit, të pjesshme në veri të Kosovës, nuk ofrojnë zgjidhje politike afatgjatë për komunat e përfshira. Një zgjidhje e tillë mund të gjendet vetëm përmes një dialogu real ndërmjet të gjitha palëve kyçe të interesit, që përfshijnë Kosovën, Serbinë dhe komunitetin serb të Kosovës – nën ndërmjetësimin e BE-së”, thuhet mes tjerash në komunikatë.
