leoni

Shtetasit e Kosovës do të mund të udhëtojnë në vendet e BE-së edhe pa nevojë të domosdoshme rreth Covid-19

Bashkimi Evropian kërkon formimin e shpejtë të qeverisë së re të Kosovës dhe vazhdimin me urgjencë të reformave

Shefja e Zyrës së BE-së në Kosovë, shefat e misioneve të BE-së në vendin tonë dhe i EULEX-it kanë lëshuar një deklaratë të përbashkët. Ata kërkojnë formimin e shpejtë të qeverisë së re dhe institucionet të vazhdojnë me reformat e brendshme por dhe proceset e tjera. “Seanca konstitutive e Kuvendit është caktuar të mbahet më 26 dhjetor. Zgjedhjet e përgjithshme të 6 tetorit i dhanë mundësinë popullit të Kosovës të ushtrojë të drejtën e vet demokratike për të votuar dhe zgjedhur udhëheqësit e vet. Ky është thelbi i procesit demokratik. Ne besojmë se palët në fjalë do të arrijnë konsensusin e nevojshëm për të tejkaluar sfidat e mbetura. Kosova duhet që me urgjencë të vazhdojë punën në reforma për zhvillim ekonomik dhe shoqëror, si dhe sundim të ligjit, zbatimin e Marrëveshjes së Stabilizim-Asociimit BE-Kosovë dhe dialogun me Beogradin të cilin e lehtëson BE-ja. Nevojitet një formim i shpejtë i qeverisë për të çuar përpara këto procese, në interes të Kosovës dhe popullit të saj dhe në përputhje me Kushtetutën dhe dëshirën e shprehur të elektoratit”, thuhet në deklaratë.

Kontrolloni gjithashtu

Marta Kos: Normalizimi i marrëdhënieve mes Kosovës dhe Serbisë, parakusht për statusin e kandidatit në BE

Komisionerja e Bashkimit Evropian për Zgjerim, Marta Kos, ka theksuar se normalizimi i marrëdhënieve mes …