Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësja e Prokurorisë Speciale, Liridona Kozmaqi, ka konfirmuar bastisjen në Ministrinë e Bujqësisë, Pylltarisë dhe Zhvillimit Rural, pas dyshimeve për veprime të dyshimta lidhur me renovimin e një objekti që më parë shfrytëzohej nga Aleanca për Ardhmërinë e Kosovës, dhe tani është nën menaxhimin e Ministrisë. Kozmaqi sqaroi se bastisja është realizuar pas raportimeve që lidhen me renovimin e këtij objekti dhe veprimet e zyrtarëve të Ministrisë, të cilët dyshohet se kanë shkelur ligjin. Sipas informacionit të siguruar, zyrtarët e Ministrisë së Bujqësisë dyshohen për veprat penale “Keqpërdorim i pozitës zyrtare”, “Keqpërdorimi dhe mashtrimi në prokurim publik” dhe “Falsifikim i dokumenteve”. Këto akuza lidhen me një shumë prej 66 mijë eurosh, që është paguar për heqjen e mobilieve nga 33 hapësira të objektit të Ministrisë, që më parë shfrytëzohej nga AAK-ja. Ky proces ka ngritur më tej shqetësime për keqpërdorime të mundshme në menaxhimin e resurseve shtetërore dhe procedurat e prokurimit.
