Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Demokratik për Integrim, përmes Konferencës për media ka njoftuar opinionin se si që nga ardhja e VLEN-it në pushtet e deri më sot, për 100 ditë rrënuan dhe vazhdojnë të rrënojnë gjithë ato të arritura në sektorin e shëndetësisë. Që nga fillimi më punë të kësaj Qeverie, me shqetësim të thellë jemi duke i vëzhguar nga afër ndryshimet që bëhen në sferën e shëndetësisë, të ekzekutuara nga VLEN. Nga mungesa e legjitimitetit janë të detyruar të pranojnë nënçmimin dhe në të njëjtën kohë të cenojnë të drejtat e një populli të tërë. Ne me mund dhe sakrifice arritëm fillimisht të krijojmë kuadër shëndetësorë të të gjitha niveleve ( teknikë, motra medicinale, specialistë, doktorë shkence, profesor universitar), nga mundi i Shqiptarëve ata gjetën shëndetësi me përfaqsim në të gjitha nivelet, udhëheqës në shumë institucione shëndetësore, kuadro të dëshmuar ndërkombëtarisht. Shqiptarët udhëhiqnin me mbi 50 institucione shëndetësore, deri në përfshirjen e tyre në qeveri, pa legjitimitet nga populli të cilët pa hezitim rrënuan dhe vazhdojnë të rrënojnë gjithë ato të arritura.
