Bashkimi Evropian është jashtëzakonisht i shqetësuar” për përshkallëzimin e tensioneve midis Izraelit dhe Hezbollahut, organizatë e shpallur terroriste nga Amerika. Shefi i politikës së jashtme të BE-së, Josep Borrell, kërkoi një armëpushim të menjëhershëm përgjatë vijës kufitare, duke e lidhur këtë me nevojën për paqe në Gaza. Në të njëjtën linjë, sekretari i Jashtëm i Mbretërisë së Bashkuar, David Lammy, theksoi rëndësinë e një armëpushimi të menjëhershëm për të shmangur një luftë të plotë dhe për të garantuar sigurinë e civilëve izraelitë dhe libanezë. Ai bëri thirrje për zgjidhje politike që do të lejonin kthimin e të dy palëve në shtëpitë e tyre. Zëdhënësi i Sigurisë Kombëtare të Shtëpisë së Bardhë, John Kirby, e quajti përshkallëzimin e konfliktit “jo në interesin më të mirë” të Izraelit dhe shprehu besimin se ka ende hapësirë për zgjidhje diplomatike.
Kontrolloni gjithashtu
Përplasja mes presidentes Vjosa Osmani dhe qeverisë në detyrë për tarifën ndaj ShBA-ve
Vendimi i Presidentit të ShBA, Donald Trump, për të vendosur tarifën prej 10% ndaj Kosovës …