Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mediet në Britaninë e Madhe shkruajnë se Bashkimi Evropian është poshtëruar nga Shtetet e Bashkuara të Amerikës pasi administrata e Bidenit u detyrua të dërgonte emisarët e vet në Bosnjë dhe Hercegovinë, për të ulur tensionet. Zyrtarët amerikanë kanë qenë në një vizitë dy-ditore në Bosnjë dhe Hercegovinë që nga e diela në një përpjekje për të zbutur tensionet në rajon të shkaktuara nga zhgënjimi në përpjekjet e dështuara të BE-së për të ofruar ndihmë, shkruajnë mediet në Britaninë e Madhe. Një çerek shekulli pasi Marrëveshja e Paqes e Dejtonit i dha fund luftës civile në Bosnjë, zyrtari më i lartë ndërkombëtar në vend paralajmëroi këtë javë se vendi mund të jetë në prag të shpërbërjes edhe një herë. Përfaqësuesi i Lartë i Kombeve të Bashkuara, Christian Schmidt, tha se nëse separatistët serbë do të zbatonin paralajmërimin e tyre për të krijuar një ushtri të veçantë serbe të Bosnjës, misioni paqeruajtës ndërkombëtar mund të duhet të zgjerohet. Ai i përshkroi kërcënimet nga lideri serb i Bosnjës Milorad Dodik për t’u tërhequr nga institucionet e nivelit shtetëror të Bosnjë-Hercegovinës duke përfshirë ushtrinë dhe për të krijuar të reja për Republikën Serbe, si “të barasvlershme me shkëputjen pa e shpallur atë”.
