Qeveria e Kosovës njoftoi se deri në fund të muajit do të përgatis vetë Statutin e Asociacionit dhe do ta dërgojë për shqyrtim në Gjykatën Kushtetuese. Ky veprim ka gjetur përgjigje nga Bashkimi Evropian, i cili theksoi se çdo dokument i lidhur me këtë strukturë duhet të jetë në përputhje me Marrëveshjen e Brukselit dhe bisedimet në BE. Zëdhënësi i BE-së, Peter Stano, deklaroi se Kosova që nga viti 2013 nuk ka ndërmarrë asnjë hap në lidhje me Asociacionin dhe rikujtoi se draft-Statuti i ofruar nga BE tashmë është njohur formalisht nga të 27 shtetet anëtare të unionit. Stano tha se “është e pamundur të vlerësohet përputhshmëria e tij me Marrëveshjet e 2013 dhe 2015 në këtë fazë. Kjo është njohje formale e dokumentit nga të 27 shtetet anëtare të BE-së,” u shpreh, zëdhënësi Peter Stano.
![Peter Stano](https://www.radiokosovaelire.com/wp-content/uploads/peterstano-660x330.jpg)