Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
BE ka vendosur të mbajë takimin e radhës të ministrave të Jashtëm dhe të Mbrojtjes në Bruksel në vend të Budapestit, duke dhënë një goditje simbolike ndaj Hungarisë për qëndrimin e saj të pavarur lidhur me Ukrainën. Kjo është bërë e ditur nga shefi i diplomacisë së BE-së, Josep Borrell. Ndryshimi i vendndodhjes së takimit, i cili do të mbahet nga 28 deri më 30 gusht, vjen pas marrjes së presidencës së BE-së nga Hungaria dhe pas vizitës së kryeministrit hungarez, Viktor Orban, në Moskë, ku diskutoi mundësitë për t’i dhënë fund luftës në Ukrainë. Orban, i cili njihet si aleati më i afërt i presidentit rus Vladimir Putin në BE, ka kritikuar politikën e bllokut për mbështetjen ushtarake dhe financiare ndaj Kievit, duke e quajtur atë një “politikë pro-luftës”. “Është Putini ai që është palë në luftë. I vetmi që provokon është Putini, ai kërkon ndarjen e Ukrainës dhe vendos parakushte për çdo bisedë dhe armëpushim,” tha Borrell.
