Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti dhe atdhetari i mirënjohur, Bedri Islami, në një vështrim të tij të botuar në gazetën Dita ka komentuar kryeprokurorin e SPAK-ut, Altin Dumani i cili deklaroi në Kuvend se “krimi në Shqipëri është i lidhur me politikën dhe mjaft politikanë të rëndësishëm janë jo vetëm mbështetës, por edhe pjesë e krimit“. Kjo për mua nuk ishte e papritur. Ishte dhe mbetet njëra nga gjërat më të njohura prej viteve, por fakti që, këtë e theksoi njeriu më i rëndësishëm i strukturës se sistemit të ri të drejtësisë, e bën edhe më të pranishme të vërtetën. Në Shqipëri, si në pak vende të tjera, krimi dhe politika kanë bashkërenduar që në muajt e parë të pluralizmit, kur njësitë e reja që po vinin në politikë, të deleguara apo jo, nuk mund të bënin pa ngritur këto struktura njësuese, të cilat, përmes dhunës fillimisht, e më pas përmes krimit të hapur, u vendosën si mbështetëse të politikës, deri sa një pjesë e tyre u bënë vendosës në politikë.
Besimi i njerëzve se një ditë do të gjykohen ashtu si e meritojnë këta, që kanë drejtuar në 30 vitet e fundit, jo vetëm si persona publikë, por si precedentë të rrezikshëm politik e financiar, ka filluar të humbasë.
