Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bedri Shabani dhe Muharrem Qerimi po përballen me akuzën e “Spiunazhit”, nën dyshimin se kanë përcjellë informata të ndjeshme për shtetin e Kosovës tek Agjencia e Inteligjencës së Sigurisë së Serbisë. Sipas aktakuzës, ata kanë mbledhur të dhëna mbi ish-pjesëtarët e UÇK-së dhe kanë tentuar të krijojnë një narrativë për një të ashtuquajtur “Shtëpi të Verdhë” në Spitalin Ushtarak të UÇK-së në Mollopolc të Shtimes. Sipas dokumenteve të prokurorisë, Shabani ka qenë në komunikim të vazhdueshëm me zyrtarë të lartë të BIA-s dhe ka synuar të fabrikojë narrativa që cenojnë imazhin e luftës së UÇK-së, duke përfshirë përpjekjet për të shkaktuar tensione ndëretnike në Kosovë. Në aktakuzë përfshihet edhe një letër e Shabanit drejtuar Kryeprokurores së Gjykatës Speciale, Kimberly West, ku ai shpreh gatishmërinë për të dëshmuar dhe kërkon që të hetohet më thellë për Spitalin Ushtarak në Mollopolc.
