Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e 29 vjetorit të Deklaratës Kushtetuese të shpallur më 2 korrikut të vitit 1990, kryetari i Komunës së Malishevës, Ragip Begaj, i ka uruar të gjithë qytetarët dhe në mes tjerash, ka kujtuar edhe figurat e Komunës së Malishevës, të cilët kanë qenë deputet, Xhemajli Bajrën, Halit Kryeziun, Selim Krasniqi, të tretë të ndjerë, si dhe Daut Krasniqin, ish kryetar i komunës dhe anëtar i Kuvendit të Kosovës.
“Ngjarja e 2 korrikut t vitit 1990, ka rëndësi të madhe në historinë e popullit shqiptar të Kosovës, pasi ishte akti më i rëndësishëm juridik dhe politik i kohës dhe i rrethanave të reja të krijuara, edhe pse pavarësia e shpallur, u shua me dhunë. Në këto ngjarje, rol të madh pa dyshim ka luajtur edhe Malisheva, e cila si në çdo lëvizje tjetër, ishte e pranishme me përfaqësuesit e saj. Edhe më 2 Korrik të vitit 1990, Malisheva kishte përfaqësuesit e saj, të cilët dhanë kontributin e tyre në nxjerrjen e këtij akti. Ata ishin Xhemajli Bajra, Selim Krasniqi, Halit Kryeziu dhe Daut Krasniqi. Me këtë rast, ne si Komunë e Malishevës, i kujtojmë deputetët e Kuvendit të Kosovës, nga Malisheva, dhe përjetësisht i falënderojmë për aktin e tyre historik dhe patriotik”, thuhet në deklarimin e Kryetarit të Komunës së Malishevës, Ragip Begaj, me rastin e 29 vjetorit të Deklaratës Kushtetuese të Kuvendit të Kosovës.
