Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish- ministri i Punëve të Jashtme dhe deputeti Behgjet Pacolli, ka reaguar pas videos të cilën e publikoi Lëvizja Vetëvendosje. Në mesin e ish drejtuesve të apostrofuar nga Lëvizja Vetëvendosje është edhe Behgjet Pacolli, i cili ka quajtur skandaloze videon e publikuar, duke thënë se “shkatërruesit” janë ata që konsumojnë paratë e taksapaguesve. Ai ka pyetur LVV-në se çfarë ka bërë ajo për shtetin, ndërsa ka treguar për arritjet e tij, sa ishte në poste udhëheqëse.
Postimi i plotë:
E shoh veten në një video skandaloze të publikuar nga partia më e madhe e Kosovës, partia që sot qeverisë Kosovën tonë. Në atë video jam quajtur shkatërruesi. Jo, zotërinj, shkatërruesit jeni ju që vetëm konsumoni paranë e taksapaguesve e në këtë rast edhe paratë e mia. Më tregoni çka keni bërë Ju për Kosovën?
– Unë kam nënshkruar pavarësinë e Kosovës, ju jo.
– Unë kam promovuar vendin në tërë botën, i kam sjellë mbi 40 njohje, e ju, asnjë …
– Unë kam krijuar ekzistencë financiare për mbi 60.000 qytetarë të Kosovës që nga koha nga kur ju ende nuk keni ekzistuar.
– Unë kam ndihmuar e ndihmoj njerëzit në nevojë të Kosovës me dhjetëra miliona euro e ju vetëm i shfrytëzoni ata njerëz.
– Unë kam ndërtuar dhe dhuruar universitete, shkolla, ndërtesa e shumëçka, e ju asgjë.
– Kam rindërtuar me shije, hapësirat në ndërtesat ku ju edhe sot punoni (Parlamentin, presidencën, ministrinë e punëve të jashtme e shumëçka, e ju jo që nuk i keni ndërtuar apo mirëmbajtur, por jeni përpjekur edhe ti shkatërroni.
– Sot shëroj me dhjetëra pacientë jashtë vendit dhe i financoj dhjetëra studentë jashtë vendit e ju asnjë.
Është turp për ju! Këto dy vite Kosova po degradohet në çdo aspekt, infrastruktura, ambienti e çdo gjë tjetër që ka nevojë për dorën e njeriut të cilën ju nuk jeni në gjendje të jepni. Deri tani vetëm keni sharë e fyer e nëse vazhdoni kështu nuk di si do të duket Kosova…
Unë shpresova dhe besova se ju do të punoni për Kosovën dhe unë ju votova, sepse mendova se e meritoni votën time. Nuk gjej fjalë se sa poshtë mund të shkosh. Sinqerisht nuk kisha në plan të reagoja, por kjo nuk është hera e parë që luani me personalitetin tim. Drejtoni vendin si duhet ose largohuni!
