Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-presidenti Behgjet Pacolli, ka bërë të ditur se sot, Kosova ka shkruar një kapitull të ri në historinë e saj! 17 vjet pas shpalljes së Pavarësisë, Republika e Kenias – një nga shtetet më të rëndësishme të Afrikës – ka njohur zyrtarisht Republikën e Kosovës si shtet të pavarur dhe sovran. Kjo njohje përfaqëson një fitore të madhe për shtetin e Kosovës dhe është një shenjë e fuqisë dhe vendosmërisë së popullit tonë. Flamuri i Kosovës është ngritur lart me krenari në Nairobi, një dëshmi e ecjes përpara të shtetit të Kosovës, që ka punuar pa u lodhur për të siguruar këtë moment historik. Njohja e Kenias erdhi si rezultat i një angazhimi të palodhur dhe të përkushtuar. Pas vizitave të rëndësishme, veçanërisht nga Presidenti William Ruto, i cili e njohu pasaportën e Kosovës në vitin 2023, Kenia ka bërë hapin e madh, duke shpallur zyrtarisht njohjen e Kosovës.
