Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bekim Jashari sot, në ditëlindjen e 72-të, të Heroit të kombit Hamëz Shaban Jashari, që shënon edhe ditën e shkollës së mesme, të Gjimnazit të Skenderajt, bashkë me motrën Besartën, Hamëzen e ri, me anëtarë tjerë të familjes, me drejtorin e kolektivin e shkollës, veteran të UÇK-së e bashkëpunëtorë kanë vendosë lule tek busti i tij në Skenderaj dhe te Kompleksi Memorial “Adem Jashari”, në Prekaz.
Bekimi ndër të tjera ka shkruar” Kujtimi për babushin edhe sot pas 24 vitesh nga rënia e tij historike, mbetet i freskët, mësimet e tij për jetën, atdhedashurinë, sinqeritetin e trimerinë kanë qenë dhe mbeten frymëzimi im jetësor.
Babush, lufta çlirimtare që bërë ti, komandanti Legjendar, Adem Jashari, e bashkëluftetarët e tu u bë themel i Lirisë e Pavarësisë që sot e gëzojmë.
Përjetë mirënjohës për ty babush që na rrite e edukove nën frymën patriotike e të dashurisë për atdheun.
Urime babë ditëlindja e 72-të!
Jetoj e punoj çdo ditë duke jetësuar amanetin tënd!
