Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Bekim Haxhiu, ka akuzuar Lëvizjen Vetëvendosje për zhvillimin e një fushate linçuese ndaj pjesëtarëve të Ushtrisë Çlirimtare të Kosovës. Përmes një postimi në Facebook, ai ka pretenduar se kjo fushatë është e nxitur nga grupet propagandistike të LVV-së dhe ka si qëllim denigrimin e ish-luftëtarëve. “Bandat kriminale anti-kombëtare që kanë një urrejtje patologjike ndaj Ushtrisë Çlirimtare të Kosovës, të nxitura nga grupet propagandistike të LVV-së, po zhvillojnë një fushatë të shfrenuar anti-UÇK,” shkroi Haxhiu. Ai gjithashtu tha se këto sulme bëhen nga “dezertorë” dhe se do të ndjekë të gjitha rrugët ligjore për të identifikuar dhe ndëshkuar ata që, sipas tij, po shpifin dhe ofendojnë luftëtarët e UÇK-së. Postimi i tij u shoqërua me disa foto, përfshirë një ku ai shfaqet i plagosur në luftë dhe dy të tjera që, sipas tij, tregojnë përqeshjen e plagëve të luftës nga eksponentë të LVV-së ndaj tij dhe Hysni Gucatit.
