Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Skenderajt së bashku me Shoqatat e dala nga lufta e UÇK-së, në përvjetorin e sulmit të parë mbi familjen Jashari, Ditës së Veteranit, kanë bërë sot homazhe te shtatorja e komandantit legjendar Adem Jashari, Kompleksi Memorial “Adem Jashari”, në Prekaz, si dhe te Kompleksi i Dëshmorëve në Marinë, për t’i nderuar dëshmorët e rënë për liri. Me këtë rast, kryetari i Skenderajt, Bekim Jashari ka thënë se përkujtojnë sakrificën e të gjithë dëshmorëve, e në veçanti të familjes Jashari në luftën e tyre për liri. “Homazhe për nder të përvjetorit të triumfit të familjes Jashari mbi sulmet serbe bëmë edhe në Kompleksin e dëshmorëve në Marinë, ku nderuam të rënët në altarin e lirisë. Jemi përherë krenarë e mirënjohës për sakrificën e dëshmorëve të kombit. Lavdi të rënëve që jetësuan ëndrrën tonë shekullore për Liri e Pavarësi!”, ka shkruar ai.
