Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot është shënuar 20 vjetori i masakrës së Izbicës, ku forcat ushtarake e policore serbe vranë dhe masakruan 147 shqiptarë civil të paarmatosur. Për nder të rënëve sot kanë bërë homazhe krerët institucional. Kryetari i Skenderajt, Bekim Jashhari ka thënë së vetëm duke i nderuar të gjithë ata që ranë në fushën e nderit, nderojmë të ardhmen dhe historinë popullit.”Me nderimet më të larta shtetërore dhe me respekt të veçantë, së bashku me kryeministrin e Republikës, Ramush Haradinaj, nënkryetarin Nuredin Lushtaku, familjarë të të rënëve dhe qytetarë të tjerë, përkujtojmë sot 150 të vrarët e Masakrës së Izbicës! Duke nderuar dëshmorët, martirët dhe të gjithë ata që ranë në fushën e nderit, nderojmë të ardhmen dhe historinë më të re të popullit shqiptar. Lavdi e përjetshme për heronjtë, dëshmorët dhe martirët e kombit!”, ka shkruar ai.
