Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Beograd dje është shpalosur plani i ri për kolonizimin e pjesës veriore të Kosovës. Projektuesit e kolonizimit të veriut të Mitrovicës kanë planifikuar kthimin e mijëra serbëve në ‘Luginën e Diellit’. Kjo lagje që ngjason me një koloni moderne, është paraparë të akomodojë rreth 1500 serbë. Gjatë prezantimit të këtij projekti, drejtuesi i të ashtuquajturës Zyrë për Kosovën, Marko Gjuriq, ka thënë se “ky është një hap historik për kthimin e serbëve në Kosovë”. Ai ka paralajmëruar se brenda një kohe të shkurtër do të vihet guri themeltar në lokacionin e paraparë për ndërtime. Kolonizimi i veriut po e ndryshon përfundimisht strukturën demografike të veriut. Në të njëjtën kohë, ato pak shtëpi të shqiptarëve në veri të Mitrovicës nuk po lejohet të ndërtohen. Komuna e udhëhequr nga Goran Rakiq ka pamundësuar kthimin e familjeve shqiptare të dëbuara, ndërkohë që Qeveria e Kosovës tregohet krejt indiferente përballë ndërtimit të kolonisë ‘Lugina e Diellit’, në të cilën thuhet se do të vendosen serbë nga Bosnja e Kroacia.
