Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deklaratat alarmante të zyrtarëve të Qeverisë së Kosovës për mundësinë e një sulmi nga Serbia kanë dominuar opinionin publik javët e fundit. Kryeministri Albin Kurti, gjatë një intervistë për CNN, foli gjerësisht për ‘veprimet agresive të Serbisë’. Berat Rukiqi, ish-kryetar i Odës Ekonomike të Kosovës, ka shprehur shqetësimin e tij për ndikimin negativ që këto deklarata kanë në tërheqjen e investimeve të huaja direkte. Ai theksoi se retorika e qeverisë krijon frikë dhe pasiguri për investitorët. “Intervistat e kryeministrit dhe zyrtarëve tjerë qeveritarë për mediat ndërkombëtare nuk janë shfrytëzuar për të promovuar Kosovën, por për të shpërndarë frikë,” tha ai. Këto komente vijnë në një kohë kur Kurti dhe zyrtarë të tjerë të qeverisë kanë shprehur publikisht shqetësime për praninë ushtarake të Serbisë pranë kufijve të Kosovës.
