leoni

Berisha: Investimet do të jenë sipas standardeve dhe me cilësi të lartë

18/08/2018 Institucionet

Komuna e Malishevës, është duke i vazhduar dëgjimet publike me qytetarë, në kuadër të hartimit të projekt buxhetit për vitin 2019, me theks të veçantë, nxjerrjen e prioriteteve për investimet në projektet e vitit të ardhshëm. Për këtë qëllim, është mbajtur një takim me banorët e Banjës, vendbanimi i dytë më i madh në Komunën e Malishevës. Në këtë takim krahas banorëve, morën pjesë edhe nënkryetari i Malishevës, Hajdin Berisha, drejtori për buxhet, Valon Mazreku dhe zyrtari kryesor financiar, Halil Shurdhaj. Në këtë takim, nënkryetari i Komunës së Malishevës, Hajdin Berisha, ka thënë se “përmes këtyre takimeve, ne duam që të marrim propozimet nga vet banorët, për orientimin e investimeve për vitin e ardhshëm”. “Ju jeni ata që do ti orientoni investimet përmes propozimeve të juaja, ndërsa ne, ju garantojmë se të gjitha projektet, do të jenë cilësore dhe sipas standardeve, pasi tani nuk jemi në kohën e emergjencave, por jemi në kohën kur duhet të rritet cilësia dhe investimet, ka thënë mes tjerash nënkryetari Berisha. Ndërsa drejtori për buxhet dhe financa, Valon Mazreku, duke e prezantuar buxhetin e paraparë për vitin e ardhshëm, ka thënë se “Malisheva ka 4.3 milion euro buxhet për investime kapitale dhe këto investime, do të orientohen duke u bazuar në propozimet e juaja, edhe pse është e natyrshme se jo to gjitha kërkesat mund të realizohen, pasi buxheti për investime është jo i mjaftueshëm”. Zyrtari kryesor financiar, Halil Shurdhaj, e ka prezantuar buxhetin në detaje para banorëve të Banjës. Më pas, banorët e Banjës, që është vendbanimi më i vizituar në Malishevë, për shkak të ujit, përkatësisht pishinave natyrale, i kanë paraqitur kërkesat e tyre, ku krahas investimeve në bujqësi, përkatësisht krijimit të infrastrukturës rrugore, në mënyrë që bujqit të kenë mundësi të punojnë më shumë tokën, ata kërkuan edhe investime tjera për Banjën.  Zgjerimi i ndriçimit, për shkak se rruga e tyre e ka kyçjen në autostradë dhe janë pishinat, pastaj rregullimi i kanalizimeve, për të shmangur ndotjen e  lumit, një rrugë që lidh disa lagje dhe shkollën, e që do të shkurtonte edhe largësinë për në shkollë për nxënësit, ishin disa nga kërkesat e banorëve të Banjës. Dëgjimet publike me qytetarë, nëpër vendbanime dhe ato me grupet e interesit, do të vazhdojnë edhe gjatë vikendit dhe gjatë javës së ardhshme.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara