Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i partisë nacionaliste sllavomaqedonase VMRO-së DPMNE, Antonio Milloshoski ka shfaqur interesim të bashkëpunojnë me Lëvizjen e quajtur “BESA”. Ai në një postim të tij ka shkruar se gjoja, Artan Grubi i BDI-së frikësohet nga Lëvizja BESA. ”Kam parë njerëz me frikë, por jo aq sa Artan Grubi që ka frikë prej Lëvizjes Besa!”. VMRO është partia më e madhe për nga numri i votuesve në Maqedoni, e njohur botërisht për qëndrimin antishqiptar, për dhunën fizike shqiptarëve edhe në Kuvendin e këtij Shteti, por tani ka mbetur në opozitë, bashkë me dy parti minore të shqiptarëve, Lëvizjen BESA dhe PDSH-në, të cilat nuk e votuan as kryekuvendarin e parë shqiptar në Kuvendin e Maqedonisë, Talat Xhaferi e as Qeverinë e re të Zoran Zaevit, ku shqiptarët kanë siguruar 9 poste ministrore. Radhitja në një rrafsh politik me VMRO-në e këtyre dy partive shqiptare, tregon më shumë se një papjekuri politike. Me qëndrime të tilla kolaboracioniste, PDSH-ja e Menduh Thaçit ka ngelur me një deputet nga 10 sa kishte dikur, ndërsa “Besa” do të shuhet fare, sepse vetë ky emër i shenjët për shqiptarët është një anatemë për ata që e keqpërdorin në mënyrë të paskrupull, kundër interesit të shqiptarëve në Maqedoni e më gjerë.
