Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
TAKIMI YNË I PARË NË LIRI
Me varrin, e barin e tënd të njomë
Me fushat e malet, arome baroti
Që ti i z’gjodhët për betejë
Erdha e i takova lisat që krenarë preknin qiellin e kaltër
E ty bashkë me shokët
roje me degë të përkulura gjer në dhe të bënin.
Aty ku kishe luftuar
Erdha, e pranë burimit në bjeshkën plotë madhështi,
Me heshtje u ndala për të kujtuar
Edhe aroma e lulëkuqeve, edhe flladi i lirisë
Shoqëri më bënë pranë varrit tënd
E mua, me iku mendja, ma mori era
Bashkë me krismat pa pushim…
Dhe urdhërin „Shpejt në sulm, në dyluftim!“
gjer në qenien time e përcolli jehu i bjeshkës
si dëshmi lufte,
Heroizmi,
Flijimi…
Në një pranverë shumë të vonuar
Në Kosharen legjendare.
Ariani erdhi të të gjejë
E Erëza për herë të parë të të takojë
Por, tani më ti ishe shndërruar
Në aromë lulesh,
Ylber shumëngjyrësh në qiellin e atdheut,
Rreze lirie
Roje e përjetshme
Që mespërmes atdheut
Të mos vihen gurë,
Të mos ketë murë!
Gusht 1999
Takimi im i parë me varrin e Xhemës, të cilin e përkdhelte fresku i bjeshkës e rrezet e ngrohta të diellit të lirisë që i kishte sjellur me grykën e pushkës!
