Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes së Bizneseve të Kosovës, Besart Dreshaj, ka komentuar rritjen e çmimeve gjatë festës së Bajramit, duke e cilësuar këtë fenomen si të pritshëm. Sipas tij, rritja e çmimeve është rezultat i faktorëve të shumtë ekonomikë, përfshirë inflacionin, varësinë e lartë nga importet dhe rritjen e kostove të prodhimit dhe transportit. Dreshaj ka theksuar se stabilizimi i çmimeve kërkon investime në sektorët prodhues dhe mbështetje për prodhimin vendor, që do të ndihmonte në përmirësimin e bilancit tregtar të vendit. Ai ka shtuar se reduktimi i varësisë nga importet është i domosdoshëm për një treg më të qëndrueshëm dhe të parashikueshëm për qytetarët. Sipas të dhënave nga Agjencia e Statistikave të Kosovës, indeksi i çmimeve të konsumit ka shënuar një rritje prej 1,7% në shkurt 2025 krahasuar me vitin e kaluar.
