Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas takimit në Bruksel, për çështjen e dinarit, zëvendësi i Kurtit, Besnik Bislimi, ka shprehur shqetësimin e tij për qëndrimin e palës serbe në dialog. Ai raporton se qëndrimi i Serbisë është që të gjitha strukturat ilegale të saj në Kosovë duhet të vazhdojnë të financohen deri në krijimin e Asociacionit të komunave me shumicë serbe. Qëllimi i Serbisë me krijimin e këtij Asociacioni nuk është koordinimi i mirë mes komunave, por legjitimizimi i institucioneve serbe në Kosovë. Kjo, sipas tij, do të bënte ato institucione gjysmë serbe, duke krijuar një tension të ri në raportet ndëretnike në Kosovë. Në lidhje me zgjidhjen e kësaj çështjeje, Bislimi informon se ndërmjetësi evropian, Mirosllav Lajçak, ka dalë me një propozim të ri. Megjithatë, të gjitha takimet kanë përfunduar pa arritur një marrëveshje. Në kontekstin e rregullores së re të Bankës Qendrore të Kosovës, e cila cakton euron si valutën e vetme për pagesat me para të gatshme, Bislimi thekson se kjo ka irrituar Serbinë.
