Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Biblioteka Kombëtare, “Pjetër Bogdani”, në Prishtinë ka shënuar sot 74 vjetorin e themelimit të saj. Me këtë rast është hapur ekspozita me fotografi dhe dokumente “Kujtesa e Kosovës” Demonstratat Shqiptare të vitit 1968, të cilat sot kanë mbushur 50 vjet. Për përvjetorin e Bibliotekës foli drejtori, Fazli Gajraku, i cili theksoi prioritet nëpër fusha të ndryshme me të cilat tani do të punojnë për realizmin e këtij projekti, pastaj mbrojtja e koleksioneve, dixhitalizimi etj. Por krahas realizimit ne përballemi edhe me probleme të ndryshme, theksoi ndër të tjera në fjalën e tij, drejtori Fazli Gajraku.
Në këtë përvjetor të Bibliotekës ishte i pranishëm edhe ministri i MKRS-së, Kujtim Gashi i cili premtoi përkrahjen e pa rezervë për Bibliotekën dhe ndau çmimin e vitit për punëtoren, Blerta Slishani. Në emër të Shoqatës së të burgosurve politik, njëherit edhe organizator i ekspozitës Kujtesa e Kosovës” Demonstratat Shqipëtare të vitit 1968, doktor Zymer Neziri ktheu në kujtesë demonstratat e vitit 1968, me rastin e 50 vjetorit . Kjo ekspozitë u kushtohet demonstratat e vitit 1968, në 9 qytete të Rrafshit të Dukagjinit, të Rrafshit të Kosovës, të Llapit të Anamoravës, dhe të Luginës së Pollogut. Rinia dhe populli shqiptar dolën me vendosmëri me kërkesat e tyre për Kushtetutë, Republikë, Vetëvendosje etj. Lufta politike nuk u ndal deri me fitoren e UCK-së.
Ekspozita është përgatitur nga Merimam Braha dhe Ismail Ismajli.
