Monday , November 25 2024

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

Biblioteka Komunale “Sulejman Krasniqi” në Rahovec kremtoi Ditën e saj

07/12/2020 Institucionet

Tema të tjera...

Biblioteka Komunale “Sulejman Krasniqi” në Rahovec kremtoi Ditën e saj. Kjo ditë shënon edhe ditëlindjen e shkrimtarit Sulejman Krasniqi, emrin e të cilit e mban. Me këtë rast kryetari i Komunës së Rahovecit Smajl Latifi tha se, komuna jonë është krenare me figurën e atdhetarit Sulejman Krasniqi, prandaj në shenjë nderimi e respekti e kemi emërtuar bibliotekën komunale me emrin e tij. Veprimtaria krijuese e romancierit Krasniqi ju ka shërbyer shumë brezave për ngritjen e vetëdijes kombëtare në trojet e pushtuara. Kontributet për njohjen e veprës së tij do të jenë të vazhdueshme, shtoi ndër të tjera kryetari Latifi. Ndërsa drejtoresha për Kulturë, Rini dhe Sport Bjondina Kleqka tha se kjo bibliotekë vit pas viti po e shton fondin librar dhe po bëhen përpjekje që të rritet edhe numri i lexuesve. Një kumtesë me titull: “Romani i Sulejman Krasniqit dhe historia shqiptare” e paraqiti Qemajl Krasniqi. Të pranishmit i përshëndeti i biri i Sulejman Krasniqit Derandi, i cili tha se babai i tyre tërë jetën ia ka kushtuar Kosovës, ndërsa ata janë krenar që i përkasin kësaj krahine shqiptare me njerëz të vyeshëm e atdhetarë. Në kuadër të shënimit të kësaj dite, e cila po organizohet për vit të dytë radhazi, Drejtoria për Kulturë, Rini dhe Sport, ka shpallur edhe konkursin për krijimtarinë letrare-artistike, ku është bërë edhe ndarja e fituesit të këtij konkursi me Çmimin “Sulejman Krasniqi”, çmim ky i miratuar nga Kuvendi Komunal i Rahovecit. Milazim Bajraj, kryesues i jurisë profesionale, paraqiti vendimet e kësaj jurie në përbërje; Diellza Hoxha e Bekim Kelmendi, profesorë të Gjuhës dhe letërsisë. Çmimin “Sulejman Krasniqi” për vitin 2020 e fitoi poezia “Atdhe” me shifrën “Mërgimtarja”. Me këtë motiv, urojmë që çdo herë të vazhdohet të nderohet e të kujtohen veprat dhe krijimtaria e shkrimtarit dhe intelektualit Sulejman Krasniqit.

Kontrolloni gjithashtu

Aliu: Kënaqësi t’i pres e t’i uroj kampionët që lartësuan e bën krenarë jo vetëm Ferizajn por gjithë Kosovën

Kryetari i Komunës së Ferizajt Agim Aliu ka pritur të premtën në zyrën e tij …

Radio Kosova e Lirë 94.2 FM

Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara