Bilanci i sotëm me covid-19 në Malishevë, 2 të shëruar, 2 raste të reja dhe 1 i vdekur

08/08/2020 Institucionet

Bilanci i sotëm i situatës me COVID-19, në Komunën e Malishevës, është 2 të shëruar, janë regjistruar 2 raste të reja, ndërsa 1 person ka ndërruar jetë. Këto të dhëna janë konfirmuar nga Instituti Kombëtar i Shëndetësisë Publike, në komunikim zyrtar me Komunën e Malishevës. Dy rastet e reja vijnë nga vendbanimet Bellanicë dhe Drenoc. Gjendja me COVID-19 në Komunën e Malishevës, është si vijon: Nga data 14 mars 2020 e deri më sot, me covid-19 janë prekur 158 persona, 100 persona janë shëruar, aktive janë 47 raste, ndërsa 11 persona kanë ndërruar jetë. Nënkryetari i Komunës së Malishevës, Hajdin Berisha, në emër të shtabit emergjent komunal, edhe njëherë ju ka bërë thirrje të gjithë qytetarëve, që të vazhdojnë të respektojnë udhëzimet organeve përgjegjëse shëndetësore dhe vendimet e organeve përgjegjëse të vendit. “Mbani maskat mbrojtëse kur dilni në publik, mbani higjienë të duarve dhe mbi të gjitha mos u bëni pjesë e grumbullimeve të njerëzve, si para sporteleve, ashtu edhe në ahengje dhe në raste tjera familjare, pasi kjo është mënyra e vetme e luftimit të virusit. Ta ruajnë veten dhe familjet, ta ruajmë shëndetin dhe mos ta përhapim virusin”, ka thënë Berisha.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara