Dëshmitari, Bislim Zyrapi gjatë dëshmisë së tij në Hagë, ka pohuar se pas krijimit të Qeverisë së Përkohshme, aspektet ushtarake kanë vijuar që të mbesin pjesë e UÇK -së. Këtë e kishte thënë edhe për Zyrën e Prokurorit, gjë të cilën e ka pohuar edhe dje ë sallën e gjyqit duke iu përgjigjur pyetjeve të mbrojtjes së Thaçit, përmes avokatit Luka Mishetiq. Po ashtu, ai ka pohuar se qëndron fakti ashtu siç e kishte thënë që kur Fatmir Limaj kaloi në Ministrinë e Mbrojtjes, nuk e kishte më në dorë komandën e policisë ushtarake, sepse kjo njësi vijoi të qëndronte nën urdhrat e UÇK-së. Zyrapi ka pohuar se deri sa është bartur në Qeverinë e Përkohshme, Sokol Dobruna i ka raportuar komandantit të Përgjithshëm të UÇK-së, Agim Çekut. Pas funksionit të tij në UÇK, dëshmitari ka thënë se ka shkuar të punonte si asistent në Ministrinë e Mbrojtjes e që më pas ka deklaruar se ky dikaster bënte pjesë në Qeverinë e Përkohshme dhe jo në UÇK.

Bislim Zyrapi deklaron se nuk ka parë urdhër për arrestimin e Blerim Kuqit, të nënshkruar nga Jakup Krasniqi

16/07/2024 Lajmet

Gjatë dëshmisë së tij në Gjykatën Speciale  në Hagë, dëshmitari Bislim Zyrapi, ka deklaruar se nuk ka parë urdhër të nënshkruar nga Jakup Krasniqi për arrestimin e Blerim Kuqit. Këtë deklaratë, Zyrapi e ka bërë duke u përgjigjur në pyetjet e avokates së Jakup Krasniqit, Venkateswari Alagendra, raporton “Betimi për Drejtësi”. Avokatja në temën e fundit gjatë pyetjeve për Bislim Zyrapin është fokusuar tek arrestimi dhe lirimi i Blerim Kuqit, ku ka pyetur dëshmitarin se a e konfirmon që nuk ka parë një urdhër të tillë asnjëherë.

Kontrolloni gjithashtu

Mërgata shqiptare që jeton në Britani të Madhe e pret sot në takim kryeministrin e Shqipërisë, Edi Rama

Mërgata shqiptare që jeton në Britani të Madhe e pret sot në takim kryeministrin e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara